Աշխարհում կապկի ծաղկով վարակվածների թիվը գերազանցել է 50 հազարը։ Վերջին յոթ օրվա ընթացքում հայտնաբերվել է վարակման ավելի քան 6 հազար նոր դեպք՝ հայտնում են Առողջապահության համաշխարհային կազմակերպությունից։
Մահվան դեպքերի թիվը հասել է 16-ի: Դեպքերի մեծ մասը գրանցվել է Միացյալ Նահանգներում, Իսպանիայում, Բրազիլիայում, Ֆրանսիայում, Գերմանիայում, Մեծ Բրիտանիայում:
ԱՀԿ-ի գլխավոր տնօրեն Թեդրոս Գեբրեյեսուսը մտահոգություն է հայտնել, որ ԱՄՆ-ում հիվանդացության դեպքերը շատանում են, մինչդեռ Կանադայում, Գերմանիայում և Նիդերլանդներում կապկի ծաղկի տարածումը դանդաղել է:
