ՀՀ ԿԳՄՍ-ն մանրամասնում է, թե ինչ է պետք իմանալ StarmusVI փառատոնի տոմսերի ձեռքբերման մասին:
Եվ այսպես, տոմսերի մասին բազմաթիվ հարցերի բոլոր պատասխանները՝ մեկ գրառման մեջ։
Ո՞ր տոմսը գնեմ։
Ունենք երկու տեսակի տոմս. եթե ուզում եք մասնակցել միայն StarmusVI փառատոնի մեկնարկի, նույն ինքը Տիգրան Համասյանի համերգին, ապա պետք է ձեռք բերել WELCOME CONCERT տոմսը։ Դրա արժեք որոշվում է՝ ըստ ձեր ընտրած նստատեղի, ինչպես բոլոր համերգների պարագայում։
Բրայան Մեյի համերգի տոմս որտեղի՞ց գնեմ։
Բրայան Մեյի համերգը StarmusVI փառատոնի անբաժանելի մասն է, ինչպես Sonic Universe համերգը, որի ընթացքում կհանձնվի նաև Սթիվեն Հոքինգի շքանշանը, «Բացահայտիր տիեզերքը և փոխիր աշխարհը» կոնֆերանսը, Տիեզերական տեխնոլոգիաների կոնֆերանսը, Դերեկ Շերինյանի հատուկ համերգը, դե իհարկե՝ նաև Բրայան Մեյի համերգը։
Ուստի, փառատոնին՝ ներառյալ դրանում ընդգրկված բոլոր միջոցառումներին մասնակցելու համար անհրաժեշտ է ձեռք բերել GENERAL ATTENDEE տեսակի տոմս։
Բա որ արդեն 24 ե՞մ։
Ուրախ ենք, որ ձեր երիտասարդության ու աշխարհը բացահայտելու ամենագեղեցիկ տարիքում եք, համոզված ենք, որ StarmusVI-ն էլ իր անջնջելի հետքը կթողնի ձեր ապագայի վրա։ Բայց եթե անցել եք 23-ի շեմը, ձեր տոմսի արժեքը կլինի 25000 դրամ։
Ի՞նչ է ներառված իմ տոմսում։
Ձեր GENERAL ATTENDEE տոմսը ներառում է՝
5 օրվա գերհագեցած ծրագիր՝ մասնավորապես.
շքեղ բացման արարողություն.
սեպտեմբերի 6-ի, 7-ի, 8-ի, 9-ի բոլոր դասախոսությունները, կոնֆերանսները
սեպտեմբերի 6-ի հատուկ համերգը` Դերեկ Շերինյանի և Sons of Apollo սուպերխմբի տղաների մասնակցությամբ, որի ընթացքում ելույթ կունենա նաև Գոռ Սուջյանը.
սեպտեմբերի 7-ին կայանալիք Another World համերգը՝ նույն ինքը Բրայան Մեյի համերգը.
սեպտեմբերի 9-ին կայանալիք աստղառատ և տիեզերական փակման արարողությունը։
Եթե կարճ՝ սեպտեմբերի 5-9-ը մարզահամերգային համալիրում կայանալիք բոլոր միջոցառումները ներառված են GENERAL ATTENDEE տեսակի տոմսում։
Ի՞նչ ներառված չէ տոմսում։
Ձեր տոմսը չի ներառում Տիգրան Համասյանի՝ StarmusVI փառատոնի մեկնարկի համերգը, որը կկայանա սեպտեմբերի 4-ին, դրա տոմսն առանձին է։
Իսկ ինչ, եթե ես միայն ռոք համերգներն եմ ուզում լսել։
Իհարկե բարձր ենք գնահատում ձեր երաժշտական ճաշակը։ Կարող եք միայն համերգներին մասնակցել, բայց այդկերպ բաց կթողնեք տիեզերքի բացահայտման վերաբերյալ ամենաթարմ գիտական հայտնագործությունները, որոնք արդեն այսօր որոշում են ձեր ապագան։
Որտեղի՞ց գնեմ տոմսը։
