ԱՄՆ պետքարտուղար Էնթոնի Բլինքենը և Եվրամիության արտաքին գործերի և անվտանգության քաղաքականության բարձր ներկայացուցիչ Ժոզեպ Բորելը Կամբոջայում կայացած հանդիպմանը քննարկել են Ռուսաստանի դեմ միջոցների, Իրանի հետ միջուկային գործարքին վերադառնալու և Թայվանի շուրջ իրադրությանը վերաբերող հարցեր:
Այդ մասին ասված է ԱՄՆ պետքարտուղարության մամուլի ծառայության ղեկավար Նեդ Փրայսի հայտարարության մեջ։
Բլինքենը բարձր է գնահատել Բորելի ջանքերը՝ Իրանի միջուկային ծրագրի շուրջ Գործողությունների համատեղ համապարփակ ծրագրին վերադառնալու հարցում:
«Կողմերը նաև քննարկել են Թայվանի նեղուցում, Խաղաղօվկիանոսյան տարածաշրջանում և ամբողջ աշխարհում խաղաղության ու կայունության կարևորությունը»,- հավելել է Փրայսը:
