Սփյուռքի գործերի գլխավոր հանձնակատար Զարեհ Սինանյանն ընդունել է Հայաստանում Լեհաստանի Հանրապետության արտակարգ և լիազոր դեսպան Պավել Չեպլակին և դեսպանության երկրորդ քարտուղար, քաղաքական բաժնի ղեկավար Մարչին Ռուժիցկիին:
Ողջունելով դեսպանին՝ Զարեհ Սինանյանը շեշտել է հայ-լեհական հարաբերությունների կարևորությունը:
«Լեհաստանում բավականին մեծ և ակտիվ հայ համայնք կա: Մենք բարձր ենք գնահատում Լեհաստանի Հանրապետության կողմից ուկրաինահայերին օգնության տրամադրումը, որոնք ռազմական գործողությունների հետևանքով լքել են երկիրը»,- նշել է Զարեհ Սինանյանը:
