ԱՄՆ-ը դաշնակիցների և գործընկերների հետ Իրանի միջուկային ծրագրի վերաբերյալ Գործողությունների համատեղ համապարփակ ծրագրին (ԳՀՀԾ) լիարժեք վերադառնալու գործողություններ է մշակել, որպեսզի Թեհրանին թույլ չտա միջուկային զենք ստանալ: Այդ մասին նշված է ԱՄՆ նախագահ Ջո Բայդենի հայտարարության մեջ։
Ավելի վաղ Իրանի արտգործնախարարության պաշտոնական ներկայացուցիչ Նասեր Քանանին չէր բացառել, որ մոտ ապագայում կարող է անցկացվել միջուկային գործարքի վերականգնման շուրջ բանակցությունների նոր փուլ։ Նրա խոսքով՝ Իրանը ողջունում է ցանկացած նախաձեռնություն, որն օգնում է համաձայնության հասնել։
