Ուկրաինայի նախագահ Վոլոդիմիր Զելենսկին հեռախոսազրույց է ունեցել Ֆրանսիայի նախագահ Էմանուել Մակրոնի հետ, որը տևել է մեկուկես ժամ: Կողմերը քննարկել են հացահատիկի արտահանումն ու Կիևին ֆինանսական ու ռազմական օգնության տրամադրումը: Այդ մասին հայտնել են Ուկրաինայի ղեկավարի մամուլի ծառայությունից:
«Կողմերը պայմանավորվել են համակարգել ինչպես Ֆրանսիայի, այնպես էլ միջազգային այլ գործընկերների կողմից Ուկրաինային անվտանգության ոլորտում հետագա օգնության ցուցաբերումը, մասնավորապես՝ ուկրաինական բանակի առաջնահերթ պահանջների բավարարումը ժամանակակից սպառազինության միջոցով»,- հայտնել են Զելենսկու գրասենյակից:
Ուկրաինայի նախագահը Մակրոնին տեղեկացրել է նաև մարտական գործողությունների ընթացքի մասին։
