Հուլիսի 28-ին՝ ժամը 16։40-ին, ԱԻՆ ՓԾ Լոռու մարզային փրկարարական վարչության Թումանյանի հրշեջ-փրկարարական ջոկատի հրշեջ-փրկարարները քաղաքում շրջայց կատարելիս նկատել են անգղ, որը չի կարողացել ինքնուրույն թռչել։ Պարզվել է, որ թռչունը սպիտակագլուխ անգղ է։
Ձեռնարկվում են միջոցներ թռչունին կենդանաբանական այգի տեղափոխելու համար։
Սպիտակագլուխ անգղը (Gyps fulvus) սակավաթիվ, վտանգված տեսակ է: Տեսակը գրանցված է ՀՀ կենդանիների կարմիր գրքում, ինչպես նաև ընդգրկված է ԲՊՄՄ կարմիր ցուցակում (ver. 3.1) Least Concern կարգավիճակով:
