Օդեսա, Չեռնոմորսկ և Յուժնի նավահանգիստների հսկողությունը մնում է ուկրաինական կողմի ենթակայության տակ։ Այս նավահանգիստներում այլ նավերի առկայությունը, բացառությամբ այն նավերի, որոնք պետք է ապահովեն հացահատիկի և դրա հետ կապված սննդամթերքի ու պարարտանյութերի արտահանումը, չի նախատեսվում։
Ավելի վաղ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտարարել էր, որ Մոսկվան և Կիևը միմյանց հետ հացահատիկի համաձայնագիր չեն ստորագրի։ Նա պարզաբանել է, որ ուկրաինական կողմը փաստաթղթեր է ստորագրելու Անկարայի և ՄԱԿ-ի հետ: Նման փաստաթուղթ պետք է ստորագրեն Ռուսաստանի, Թուրքիայի և ՄԱԿ-ի ներկայացուցիչները։
