Տղաների սպորտային մարմնամարզությունը համալրվել է ևս մեկ տարրով: Եգիպտոսի մայրաքաղաք Կահիրեում կայացած Աշխարհի գավաթում Հայաստանի մարմնամարզության հավաքականի անդամ, 2021 թ. Տոկիոյում տեղի ունեցած օլիմպիական խաղերի բրոնզե մեդալակիր Արթուր Դավթյանը նժույգթափի վրա կատարել է նոր տարր, որն այսօր արդեն պաշտոնապես անվանվեց Դավթյան: Այս մասին տեղեկացնում է Հայաստանի մարմնամարզության ֆեդերացիան:
Տեղեկացնենք՝ հայ մարմնամարզիկներից իրենց անունով կատարած տարրեր ունեն Հրանտ Շահինյանը (նժույգթափ), Ալբերտ Ազարյանը (օղակներ), Արթուր Հակոբյանը (հենացատկ), Վահագն Ստեփանյանը (նժույգթափ), Վահագն Դավթյանը (օղակներ), Հուռի Գեբեշյանը (տ/բ զուգափայտ):
