Երևանի մետրոպոլիտենի բոլոր կայարանները փակվել են, ուղևորները՝ տարհանվել: «Լուրերի» հետ զրույցում մետրոպոլիտենի մամուլի քարտուղար Տաթև Խաչատրյանը տեղեկացրել է՝ ահազանգ է ստացվել, որ կայարաններից մեկում ռումբ է տեղադրված. ապահովության համար բոլոր կայարանների դռները փակվել են, ուղևորները՝ դուրս բերվել:
Խաչատրյանը նշել է, որ համապատասխան մասնագետները տեղում աշխատում են:
Ավելի վաղ հայտնել էինք՝ այսօր՝ ժամը 12։57-ին, Ճգնաժամային կառավարման ազգային կենտրոն ահազանգ է ստացվել, որ Երևանի մետրոպոլիտենի կայարաններում պայթուցիկ սարքեր են տեղադրված։
