Եգիպտոսում՝ Հուրգադա առողջարանային քաղաքի մոտ, 3 մետրանոց շնաձուկը մեկ օրում սպանել է երկու զբոսաշրջիկի։ Այս մասին հայտնել են երկրի շրջակա միջավայրի նախարարության մամուլի ծառայությունից։
Գիշատիչի առաջին զոհը ավստրիացի 68-ամյա կին է: Շնաձուկը զբոսաշրջիկների աչքի առաջ կծել է նրա ձեռքն ու ոտքը։ Ստացած վնասվածքներից տուժածը հիվանդանոց տեղափոխվելու ճանապարհին մահացել է։
Նույն օրը առաջին հարձակման վայրից 200 մետր հեռավորության վրա հայտնաբերվել է երկրորդ զոհի դին։
«Իշխանությունները տարածքների պահպանության հարցով մասնագետներից կազմված աշխատանքային խումբ են ձևավորել։ Այն զբաղվում է ողբերգության հանգամանքների հետաքննությամբ, փորձում են պարզել երկու զոհի նկատմամբ շնաձկան պահվածքի պատճառները»,- ասված է նախարարության հաղորդագրության մեջ։
