Ֆինանսական օգնության չափերը, որը Լոնդոնը պատրաստ է երկարաժամկետ հեռանկարում ցուցաբերել Կիևին, սահմաններ ունեն: Այս մասին հայտարարել է Մեծ Բրիտանիայի արտաքին գործերի նախարար Լիզ Թրասը:
«Եվրոպական անվտանգության համար չափազանց կարևոր է, որ Ուկրաինան հաջողի։ Մյուս գործընկերների հետ մենք օգնում ենք Ուկրաինային՝ վերականգնելու տնտեսության ակտիվությունը, որպեսզի ֆինանսական աջակցությունը տնտեսության համար եկամուտներ ու աճ ապահովի»,- ասել է Թրասը:
Դիվանագետն ընդգծել է, որ Մեծ Բրիտանիան մտադիր է Ուկրաինային աջակցություն ցուցաբերել դեռ երկար ժամանակ՝ հասանելի ցանկացած միջոցներով և հնարավորությունների սահմաններում:
Թրասի կարծիքով՝ Ուկրաինայի հակամարտությունում Ռուսաստանի հաղթանակը կնշանակեր «ներխուժում Եվրոպայի այլ երկրներ», ինչը տնտեսական ավելի մեծ դժվարություններ կստեղծեր աշխարհի համար:
