ԱՄՆ կոնգրեսական, Սենատի միջազգային հարաբերությունների հանձնաժողովի նախագահ Բոբ Մենենդեսը հայտարարություն է հրապարակել, որով դատապարտել է Ջո Բայդենի վարչակազմի որոշումը, որով ԱՄՆ-ը հրաժարվում է «Ազատության աջակցության մասին» օրենքի 907-րդ բաժնից, որն արգելում էր ռազմական օգնությունը Ադրբեջանին:
«Քանի դեռ Ադրբեջանը շարունակում է օկուպացված պահել տարածքները Լեռնային Ղարաբաղի նկատմամբ իրականացված հարձակումից հետո, որի ընթացքում 2020 թ. ավելի քան 6500 մարդ զոհվել է, 100 հազարից ավելի էթնիկ հայեր տեղահանվել են, անտրամաբանական է ասել, թե ԱՄՆ աջակցությունն ու վերապատրաստումները չեն ազդել Հայաստանի հետ ռազմական հավասարակշռության վրա»,- նշել է Մենենդեսը:
Սենատորը պատրաստակամություն է հայտնել շարունակելու խստորեն վերահսկել Ադրբեջանին տրամադրվող ցանկացած օգնություն: Նա հույս է հայտնել, որ ԱՄՆ պետքարտուղարությունը կգործի լիակատար թափանցիկությամբ և Կոնգրեսին կտրամադրի բոլոր անհրաժեշտ մանրամասները Բաքվին ցուցաբերվող ցանկացած օգնություն գնահատելու համար:
