ԿԳՄՍ նախարար Վահրամ Դումանյանը ցավակցություն է հայտնել ՀՀ ժողովրդական արտիստ Ռաֆայել Քոթանջյանի մահվան կապակցությամբ:
«Խոր ցավով տեղեկացա ՀՀ ժողովրդական արտիստ, Երևանի պատվավոր քաղաքացի Ռաֆայել Քոթանջյանի մահվան մասին:
Մեզանից հեռացավ ստեղծագործական հանրության ամենաինքնատիպ և սիրված դեմքերից մեկը, պակասեց ազնվական մի ներկայություն, անփոխարինելի մի գույն:
Ռաֆայել Քոթանջյանն իր արվեստով հիացրել է հազարավոր հանդիսականների: Մեր սրտերում նա միշտ կմնա որպես սիրելի, բարեկիրթ և պարկեշտ անձնավորություն և արտիստ:
Ցավակցությունս եմ հայտնում Քոթանջյանի ընտանիքին, ընկերներին, արվեստի երկրպագուներին: Ընդունե՛ք իմ վշտակցությունը: Ուժ և մխիթարություն եմ մաղթում ձեզ այս ծանր պահին»,- ասված է ԿԳՄՍ նախարարի խոսքում:
