ԱՄՆ պետքարտուղարի ռազմաքաղաքական հարցերով օգնական Ջեսիկա Լյուիսը հունիսի 11-19-ը կայցելի Ֆրանսիա, Բելգիա և Լատվիա՝ ասված է պետքարտուղարության մամուլի ծառայության հաղորդագրության մեջ։
Նշվում է, որ ուղևորության նպատակը ԱՄՆ դաշնակիցների և գործընկերների հետ հանդիպելն է՝ Ուկրաինային ռազմական օգնություն տրամադրելու, ինչպես նաև անվտանգության և առևտրի ոլորտներում համագործակցության ընդլայնման համար:
Բրյուսելում Լյուիսը կհանդիպի ՆԱՏՕ-ի և Եվրամիության բարձրաստիճան ներկայացուցիչների հետ: Պետքարտուղարի օգնականը կմասնակցի նաև Արևմուտքի երկրների կոնտակտային խմբի նիստին, որը համակարգում է Կիևին ռազմական օգնության ցուցաբերումը:
