Ռոբերտ Ղուկասյանն ամփոփում է Սյունիքի մարզպետի պաշտոնում իր աշխատանքային գործունեության 100 օրը:
Մարզպետին հարց ուղղեցին՝ կապված սահմանային իրավիճակի հետ:
«Ես վստահ եմ, որ Հայաստանի սուվերեն տարածքից ադրբեջանական կողմը պետք է հետ քաշվի դելիմիտացիայի և դեմարկացիայի արդյունքում: Հուսով եմ՝ դա հնարավորինս արագ տեղի կունենա, որովհետև հանրության համար էլ է շատ կարևոր իմանալ՝ վերջապես որտեղ է լինելու գիծը»,- ասաց Ղուկասյանը:
Հարց հնչեց զորքերի հայելային հետքաշման մասին:
«Ես այդ մասնագետը չեմ և, բնականաբար, այդքան խոր չէի կարող ուսումնասիրել, թե ինչքանով ճիշտ կամ սխալ կլինի զորքերի հայելային հետքաշումը: Ամեն դեպքում այս պահի դրությամբ կարծում եմ՝ շատ կարևոր է, որ սահմանը լինի հանդարտ մինչև սահմանազատման և սահմանագծման գործընթացը, ինչին հիմա ուղղված են մեր բոլոր ջանքերը»,- ասաց Ղուկասյանը:
