Արցախի ՆԳ նախարար Կարեն Սարգսյանի կարգադրությամբ Արցախի ողջ տարածքում շարունակվում է խստացված ռեժիմով ծառայությունը:
Մայիսի 17-ից Ոստիկանությունն իրականացնում է հատուկ միջոցառումներ։ Այդ մասին ասված է Արցախի ներքին գործերի նախարարության ոստիկանության Ֆեյսբուքի էջում։
«Ճանապարհային ոստիկանությունը` համատեղ տարածքային ստորաբաժանումների և Արցախի ԱԱԾ ծառայողների, երեկ՝ հունիսի 4-ին հատուկ միջոցառումներ է իրականացրել Մարտունու և Ասկերանի շրջաններում, որին հետևել է ՃՈ պետ Մավրիկ Նասիբյանը:
Ուժեղացված ծառայության շրջանակներում կանգնեցվել են բոլոր տրանսպորտային միջոցները, ստուգվել ճանապարհային երթևեկությանը մասնակցելու իրավունք վերապահող և փոխադրվող բեռի փաստաթղթերը, վարորդների և քաղաքացիների ներկայությամբ զննվել են տրանսպորտային միջոցները, ինչպես նաև փոխադրվող բեռը։
Ուժեղացված ծառայության ընթացքում հայտնաբերված խախտումների, հատուկ պահպանվող տարածքներ տեղափոխված տրանսպորտային միջոցների, մեքենաներում հայտնաբերված ապօրինի զենքի կամ ռազմամթերքի, ոչ սթափ վիճակում գտնվող վարորդների, առանց կամ կեղծ համարանիշերի և առանց վարորդական իրավունքի վկայականի տրանսպորտային միջոց շահագործելու վերաբերյալ տեղեկությունները կհրապարկվի 02 հաղորդաշարի առաջիկա թողարկմանը»,- նշված է գրառման մեջ:
