Ռուսաստանի ԱԳՆ ղեկավար Սերգեյ Լավրովը հունիսի 8-ին կմեկնի Անկարա։
Այդ մասին լրագրողների հետ ճեպազրույցում հայտնել է ՌԴ ԱԳՆ-ի պաշտոնական ներկայացուցիչ Մարիա Զախարովան։
Զախարովան նշել է, որ Ս․ Լավրովը հանդիպելու է թուրք գործընկեր Մևլութ Չավուշօղլուի հետ։ Հանդիպմանը քննարկվելու են երկկողմ հարաբերություններին և Ռուսաստանի դեմ Արևմուտքի պատժամիջոցների համատեքստում տնտեսական համագործակցությանն առնչվող հարցեր, ինչպես նաև մտքեր են փոխանակվելու տարածաշրջանային և միջազգային օրակարգում եղած հարցերի շուրջ։
«Առաջին հերթին կքննարկվի իրավիճակն Ուկրաինայում, ինչպես նաև սիրիական, լիբիական և ղարաբաղյան կարգավորման հարցը, Բալկանների, Կենտրոնական Ասիայի և Աֆղանստանի իրավիճակը»,- նշել է Զախարովան։
