Կիևը վստահեցրել է Վաշինգտոնին, որ Ուկրաինայի զինված ուժերն ամերիկյան HIMARS համազարկային կրակի ռեակտիվ համակարգերը կօգտագործի միայն պաշտպանական նպատակներով՝ տեղեկացրել են ԱՄՆ պաշտպանության նախարարությունից։
«Ուկրաինայի պաշտպանության նախարարը, ինչպես նաև նախագահ Վոլոդիմիր Զելենսկին վստահեցրել են, որ չեն թիրախավորի Ռուսաստանի տարածքը»,- նշել է փոխնախարարի քաղաքական հարցերով տեղակալ Քոլին Քոուլը։
Նախօրեին ՌԴ նախագահի խոսնակը հայտարարել էր, որ Մոսկվան չի հավատում Ուկրաինայի նախագահի խոսքին, թե Կիևը չի պատրաստվում հարձակվել Ռուսաստանի վրա և նրա դեմ օգտագործել ամերիկյան համազարկային կրակի ռեակտիվ համակարգերը։ Դմիտրի Պեսկովը նաև համոզմունք էր հայտնել, որ ԱՄՆ-ը, Կիևին զենք տրամադրելով, յուղ է լցնում կրակի վրա և բարդացնում Ուկրաինայի շուրջ իրավիճակը։
