Տնտեսական ու ֆինանսավարկային և բյուջետային հարցերի մշտական հանձնաժողովների համատեղ նիստում ընթանում են 2021 թ. պետական բյուջեի կատարողականի քննարկումները:
ՀՀ ֆինանսների նախարար Տիգրան Խաչատրյանը ներկայացրեց ՊԵԿ-ի պետական բյուջեի կատարողականը:
«Մեկ նախագիծ է նախատեսված եղել «Պետական բյուջեի մասին» նախագծով, 14 միջոցառումներով: Փաստացի իրականացվել է 12 միջոցառում: Ի սկզբանե նախատեսված է եղել, որ ՊԵԿ-ը պետք է ծախսի 32 միլիարդ 505 միլիոն դրամ: Տարեկան ճշտված պլանն այնուհետև այդ ցուցանիշը նվազեցրել է մոտ 4 միլիարդ դրամով: Ճշտված պլանը կազմել է 28 միլիարդ 710 միլիոն դրամ: Փաստացի ծախսվել է 27 միլիարդ 853 միլիոն դրամ: Կատարողականը կազմել է 97 տոկոս»,- ասաց Խաչատրյանը:
