2021 թվականին Հայաստան է եկել 870 հազար, իսկ 2020 թվականին՝ 355 հազար զբոսաշրջիկ: Այս մասին ԱԺ-ում լրագրողների հետ ճեպազրույցում հայտնեց ՀՀ էկոնոմիկայի նախարար Վահան Քերոբյանը:
«Այս տարվա առաջին 4 ամիսներին ունենք 355 հազար զբոսաշրջիկ»,- ասաց նախարարը՝ նշելով, որ նախորդ տարվա նույն ժամանակահատվածի համեմատ 3 անգամ ավելի մեծ է այս տարվա ընթացքում Հայաստան եկած զբոսաշրջիկների թիվը:
Քերոբյանը նշեց, որ առաջիկա տարիներին պլանավորվում են խոշոր ներդրումներ զբոսաշրջային ենթակառուցվածքների մեջ:
