2022 թվականի ամռանը կկայանա Եվրոպայի բասկետբոլի C դիվիզիոնի առաջնությունը, որին կմասնակցի նաև Հայաստանի տղամարդկանց մինչև 18 տարեկանների հավաքականը: Այս մասին հայտնում են ՀՀ ԿԳՄՍ նախարարությունից:
Այդ առաջնությանը Հայաստանի հավաքականը հանդես կգա նոր գլխավոր մարզչի՝ Հարություն Եսայանի ղեկավարությամբ: Եսայանը մարզել է մի շարք մանկապատանեկան թիմեր, որոնք մասնակցել են միջազգային մրցաշարերի և գրանցել լավ արդյունքներ:
Նրա գլխավորությամբ «Լես Ֆոքսիս» թիմը դարձել է կանանց Հայաստանի առաջնության 2020/21 մրցաշրջանի հաղթող: 2022 թվականից գլխավորում է «Մեդ Ֆոքսիս» ակումբը, որը մասնակցել է Կովկասյան լիգային:
Տղամարդկանց Մ18 տարեկանների հավաքականը Եվրոպայի առաջնությունում հանդես կգա B ենթախմբում, որտեղ կմրցի Ադրբեջանի, Լյուքսեմբուրգի, Մոլդովայի և Ջիբրալթարի թիմերի հետ:
Հանդիպումները տեղի կունենան հուլիսի 24-ից 31-ը Սան Մարինոյում:
