Մայիսի 17-ին ՀՀ դեսպան Աշոտ Հովակիմյանին ընդունել է Չեխիայի խորհրդարանի Սենատի նախագահ Միլոշ Վիստրչիլը։ Այս մասին հայտնել են Պրահայում ՀՀ դեսպանությունից:
Դեսպանը Սենատի նախագահին մանրամասն ներկայացրել է տարածաշրջանում վերջին զարգացումները, դրանց հետևանքները և առկա մարտահրավերները։
Մայիսի 19-ին ՀՀ դեսպան Աշոտ Հովակիմյանին հյուրընկալել են Չեխիայի ազգային գրադարանի գլխավոր տնօրեն Տոմաշ Ֆոլտինը և գլխավոր տնօրենի գիտության, հետազոտության և միջազգային համագործակցության հարցերով տեղակալ Ադոլֆ Կնոլլը։
Զրուցակիցներն անդրադարձել են Չեխիայի և Հայաստանի ազգային գրադարանների միջև համագործակցության հարուստ փորձին և քննարկել հետագա գործակցության ու համատեղ նախաձեռնությունների հեռանկարները:
