Ֆրանսիայի նախագահ Էմանուել Մակրոնը և ԱՄՆ փոխնախագահ Քամալա Հարիսը քննարկել են Ուկրաինայի շուրջ զարգացումները և հաստատել Մոլդովային աջակցության անհրաժեշտությունը՝ հայտնել են Ելիսեյան պալատից։
Նրանք կարծիք են հայտնել, որ ուկրաինական հակամարտությունը վտանգ է ներկայացնում համաշխարհային պարենային անվտանգությանը։
Մակրոնն ու Հարիսը նաև ողջունել են ՆԱՏՕ-ին անդամակցելու Ֆինլանդիայի և Շվեդիայի որոշումը՝ ընդգծելով, որ Հելսինկին և Ստոկհոլմը կնպաստեն եվրատլանտյան տարածաշրջանում անվտանգության և կայունության ամրապնդմանը։
