ԱՄՆ նախագահ Ջո Բայդենը մայիսի 19-ին Սպիտակ տանը կընդունի Շվեդիայի վարչապետ Մագդալենա Անդերսոնին և Ֆինլանդիայի նախագահ Սաուլի Նիինիստյոյին: Այդ մասին հայտնել է Սպիտակ տան մամուլի քարտուղար Կարին Ժան-Պիեռը:
«Ղեկավարները կքննարկեն ՆԱՏՕ-ին անդամակցելու Ֆինլանդիայի և Շվեդիայի հայտերը և եվրոպական անվտանգությունը, ինչպես նաև մի շարք գլոբալ հարցերի շուրջ մեր սերտ գործընկերության ամրապնդումն ու Ուկրաինային աջակցությունը»,- նշված է հաղորդագրության մեջ:
