ԱՄՆ ֆինանսների փոխնախարար Ուոլի Ադեյեմոն հանդիպում է ունեցել մի շարք օտարերկրյա ֆինանսական կազմակերպությունների ներկայացուցիչների հետ, քննարկել Ռուսաստանի նկատմամբ սահմանված պատժամիջոցները, ինչպես նաև դրանց խստացմանն ուղղված ջանքերը:
Պաշտոնյան ընդգծել է, որ իր գերատեսչության ուշադրությունը կենտրոնացած է պատժամիջոցներից խուսափելու փորձերի դեմ պայքարի վրա: Նա նաև տեղեկացրել է դրան աջակցելու ռիսկերի, այդ թվում՝ երկրորդական պատժամիջոցների հնարավոր սահմանման մասին:
Ֆինանսական ինստիտուտների ներկայացուցիչները, իրենց հերթին, ներկայացրել են Ուկրաինայում ռազմական գործողությունների ֆոնին իրենց ապագա գործունեության և բիզնես գործառնությունների փոփոխման տեսլականը:
