«Մեծ յոթնյակը» մտադիր է քայլեր ձեռնարկել, որ Իրանը երբեք միջուկային զենք չունենա։ Այդ մասին ասված է G7-ի արտաքին քաղաքական գերատեսչությունների ղեկավարների հանդիպման արդյունքներով տարածված ամփոփիչ հայտարարության մեջ։
«Մենք վերահաստատում ենք մեր աջակցությունը Գործողությունների համատեղ համապարփակ ծրագրի (ԳՀՀԾ) վերականգնմանն ու ամբողջական իրականացմանը։ Իրանի միջուկային ծրագրի սահմանափակման լավագույն միջոցը մնում է դիվանագիտական լուծումը»,- նշված է փաստաթղթում:
G7-ի երկրները հայտարարել են նաև միջուկային զենքի չտարածման և զինաթափման ջանքերի հանձնառության մասին:
