Ֆինլանդիան ներկայումս չի տեսնում ուղղակի ռազմական սպառնալիքներ Ռուսաստանից։ Այդ մասին հինգշաբթի CNN-ին հայտնել է ՆԱՏՕ-ում երկրի մշտական ներկայացուցիչ Կլաուս Կորհոնենը։
Նրա խոսքով՝ Ֆինլանդիայի հավանական մուտքը Հյուսիսատլանտյան դաշինք «անվտանգության միջավայրի շատ կտրուկ փոփոխության» արդյունք է, սակայն այժմ Ռուսաստանից «ուղիղ ռազմական սպառնալիքներ» կամ «ոչ ստանդարտ ակտիվություն» չկան։
Դա, իհարկե, չի խանգարում, որ Ֆինլանդիան չհրաժարվի ՆԱՏՕ-ին անդամակցությունից։ Կորհոնենը բացատրել է, որ այդ որոշումը թելադրված է Ուկրաինայում ռազմական գործողությունների պատճառով անվտանգության ոլորտում առաջացած փոփոխություններով։
Ֆինլանդիայի արտգործնախարար Պեկկա Հաավիստոնն էլ հայտնել է, որ Հելսինկին ՆԱՏՕ-ին անդամակցելու հայտ կներկայացնի հաջորդ շաբաթ խորհրդարանի հաստատումից հետո։ Նա նշել է, որ Շվեդիան կարող է իր հայտը ներկայացնել նույն ժամկետում։
Քաղաքական գործիչը Ռուսաստանին անվանել է «կարևոր հարևան» Ֆինլանդիայի համար, սակայն ընդգծել է, որ Մոսկվայի հետ հարաբերությունները բարդացել են Ուկրաինայի իրավիճակի պատճառով։
