«Ճանապարհային դեպարտամենտ» հիմնադրամի և Ասիական զարգացման բանկի ներկայացուցիչները եղել են Մ-6, Վանաձոր-Ալավերդի-Վրաստանի սահման միջպետական նշանակության ճանապարհի հիմնանորոգվող հատվածում։ Նրանք շինարարության տեխնիկական հսկողությունն իրականացնող թիմի ղեկավարի հետ դիտարկել են կատարվող աշխատանքները։
Այս պահին Թումանյան-«Սանահին» կայարան ճանապարհահատվածում տեղադրվում է խճային հիմք, անձրևների դադարից հետո կվերսկսվի ասֆալտապատումը։ «Սանահին» կայարան-Հաղպատ հատվածում կապալառուն տեղադրում է մետաղական արգելափակոցներ, իսկ Այրումից դեպի Բագրատաշեն տեղամասում կառուցվում են ամրանավորված լիցքով պատեր։
Մ-6 միջպետական ճանապարհի Թումանյան-Բագրատաշենի սահմանային անցակետ հատվածը հիմնանորոգվում է Ասիական զարգացման բանկի և ՀՀ Կառավարության ֆինանսավորմամբ։
