Ճապոնիան և Եվրամիությունը շարունակում են պատժամիջոցների միջոցով ճնշում գործադրել Մոսկվայի վրա՝ հայտնել է երկրի վարչապետ Ֆումիո Կիսիդան Տոկիոյում ԵՄ ղեկավարների հետ հանդիպման ավարտին:
Նա վստահեցրել է, որ Ուկրաինային աջակցությունը չի դադարի։ Վարչապետը տեղեկացրել է, որ Ճապոնիան և ԵՄ-ն պայմանավորվել են Ուկրաինայում ստեղծված իրավիճակի խորապատկերին հումքի գների կտրուկ աճի հարցում ընդլայնել գործակցությունը ասիական և աֆրիկյան երկրների հետ։
Կողմերը նաև հանդես են եկել անվտանգության և պաշտպանության ոլորտում գործակցության ամրապնդման և միջուկային զենքի չտարածման օգտին։
