Լիբանանը, հակառակ իր աշխարհագրական հեռաւորութեանը, անմասն չմնաց Ուքրանիական ճգնաժամի հետևանքներէն։ Ճգնաժամի մէջ գտնուող Լիբանանի տնտեսութեան համար քորոնավիրիւսի համավարակը և Պէյրութի նաւահանգստի պայթումը առաւել եւս լուրջ խնդիրներ ստեղծեցին։ Լիբանանեան թղթոսկին ամերիկեան տոլարի իր սակագինին դիմաց արժեզրկուած է 85%ով, երկրի սղաճը բարձրացած է 2000%, իսկ ժողովուրդին եկամուտը իջած է 85 տոկոսով։
Երկրի տնտեսութեան հերթական հարուածը հասցուց ռուս-ուքրանիական հակամարտութիւնը և փոխադարձ տնտեսական պատժամիջոցներն ու սահմանափակումները։ Ստեղծուած իրավիճակն առաւել սուր խնդիրներ ստեղծեց յատկապէս Լիբանանի սննդամթերքի անվտանգութեան ոլորտի մէջ։
Սյուզի Սեմերջյան (տնտեսագետ) - Լիբանանը պատմականօրէն իր անվտանգութիւնը սնունդի և ապահովութիւնը մեծապէս կախեալ է արտաքին շուկաներէն և յատկապէս սնունդի հետ կապուած Ուքրանիայէն և Ռուսաստանէն պարզ օրինակ մը 80%ը ցորենին Ուքրանիայէն կուգայ իսկ 16 տոկոսը Ռուսաստանէն այսինքն մէկ խօսքով այս պատերազմը որ եղաւ Լիբանանի աղբիւրը ցորենի փակուեցաւ առաւել ասոր 60%ը ձէթին Լիբանանի Ուքրանիայէն կու գայ, ասոր կ՛աւելնայ շաքարը, սոյան, հնդկացորենը:
Պէյրութի նաւահանգիստի պայթումը պատճառ դարձաւ մեծ պահեստներու կորուստին ուր ամիսներով ցորեն կը պահուէր, իսկ ռուս-ուքրանիական պատերազմը ուղղակիօրէն ազդեց հացի չգոյութեան և գիներու թանկացման վրայ։ Տնտեսութեան և առևտուրի նախարար Ամին Սալամ յայտնեց, թէ Լիբանան տարեկան դրութեամբ 550-650 հազար թոն ցորենի կարիք ունի և այդ ցորենը այսօր կը ներածուի Հնդկաստանէն, Ամերիկայէն և այլ երկիրներէ շատ դժուար պայմաններով և թանկ գիներով։
Համաշխարհային դրամատունը նոյնպէս պատրաստակամութիւն յայտնեց աջակցութիւն ցուցաբերելու և կը նախատեսուի 150 մլն տոլար տրամադրել հացահատիկի ձեռքբերման համար։
Ուքրանիական ճգնաժամի հետևանքով ուժանիւթի համաշխարհային գներու աճը հանգեցուց Լիբանանում բենզինի թանկացման, որ շատ աւելի ծանրացուց բեռը բարձրացնելով բոլոր ներածուած ապրանքներու գինը։
Փորձագետներու կարծիքով Ուքրանիոյ մէջ ընթացող զարգացումներու ազդեցությունը Լիբանանի վրայ միայն տնտեսական ոլորտով սահմանափակուած չէ։ Քաղաքական հարթութեան վրայ նաև կան վտանգներ։
Եղիա Թաշճյան (քաղաքագետ) - Քաղաքական առումով մտահոգութիւնը այն է, որ այսօր Ռուսիան ազդեցութիւն ունի Սուրիոյ մէջ և կրնայ որևէ պատերազմի արդիւնք եթէ ի նպաստ Ռուսիոյ չ՛ըլլայ Ռուսիոյ ըսենք քաղաքական ազդեցութիւնը պիտի տկարանայ շրջանին մէջ և նոյնիսկ եթէ այն կէտին գայ և ռուսական բանակը քաշուի Սուրիայէն որքան քաղաքական vacuum մը բացութիւն մը պիտի ստեղծուի և այդ քաղաքական բացութիւնը ապագային կը լեցնէ Թուրքիան կամ այլ երկիրներ այդ քաղաքական մտահոգութիւնը այսօր կայ։ Նաև ուրիշ կէտ մը այս քաղաքական մտահոգութեան մէջ որ սուրիացի գաղթականներու հարցը Լիբանանի մէջ այսօր աւելի քան մէկ միլիոն սուրիացի գաղթականներ կան և Լիբանանի պետութիւնը Ռուսիոյ միջնորդութեամբ այդ գաղթականներէն մաս մը կը փորձէ կոր ետ դարձնել Սուրիայ և եթէ Ռուսիոյ քաղաքական ազդեցութիւնը տկարանայ հետևաբար նաև հոս գաղթականներու հարց կ՛ունենանք որ ոևէ այսօր միջազգային ուժ մը չկայ որ այս գաղթականներուն վերադարձնէ իրենց հայրենիքը` Սուրիա:
Հանրապետութեան նախագահ զօր. Միշել Աուն յայտնեց թէ վերջին օրերու հանդիպումներուն հիմնական քննարկումի առարկան են տնտեսական իրադարձութիւնները և ելևմտական կացութիւնը բարելաւելու բանակցութիւնները։ Ան ընդգծեց, որ կը հաւատայ Լիբանանի յարութեան և կ՛աշխատի այդ ուղղութեամբ։ Ան գործակցութեան կոչ ուղղեց բոլորին հասնելու համար այն նպատակին, որ կը ծառայէ երկրին ու քաղաքացիներուն շահերուն։
Հեղինակ՝ Փաթիլ Մկրտիչեան
