Ֆրանսիացի սենատոր Վալերի Բուայեն Twitter-ի իր միկրոբլոգում գրել է.
«Ավելի քան մեկ դար առաջ Կլեմանսոն գրել է. «Մենք սկսում ենք խոսել Հայաստանի վիլայեթներում նոր ողբերգությունների մասին։ Մենք գիտենք, թե ինչ է նշանակում այս բառը: Սա հայերի մեթոդական կոտորածի պաշտոնական մեղմասացությունն է»:
Հարգանքի տուրք Հայոց ցեղասպանության զոհերին»:
Իր հերթին, ֆրանսիացի սենատոր Բրյունո Ռետայեն Twitter-ի իր միկրոբլոգում գրել է.
«Այսօր առավոտյան Լա Ռոշ սյուր Յոնում տեղի ունեցավ Հայոց ցեղասպանության ոգեկոչումը: Երբեք չմոռանանք, որ Հայաստանը եվրոպական քաղաքակրթության խիզախ պահապանն է, և որ նա հաճախ վճարել է դրա համար ամենածանր գինը»։
Ֆրանսիացի քաղաքական գործիչ Մարտին Վասսալը Twitter-ի իր միկրոբլոգում գրել է.
«Հիշողության պահպանման պարտավորությունը կարևոր է գալիք սերունդների համար։ Այսօր շրջանային գրադարանի և արխիվների էսպլանադում մենք բացում ենք հուշապաստառ` ի հիշատակ Հայոց Ցեղասպանության»։
