Սննամթերքի անվտանգության մարմինների միջազգային ցանցից (INFOSAN) ստացված հավելյալ տեղեկատվության համաձայն՝ ռիսկային են համարվում Բելգիայի թագավորությունում և Գերմանիայի Դաշնային Հանրապետությունում արտադրված «Կինդեր» ապրանքանիշի թվով 5 արտադրատեսակ։
ՀՀ սննդամթերքի անվտանգության տեսչական մարմնի իրականացրած պետական վերահսկողության շրջանակներում ձեռք բերված տեղեկատվությունը համադրելով Սննամթերքի անվտանգության մարմինների միջազգային ցանցից (INFOSAN) ստացված տեղեկատվության հետ՝ տեսչական մարմինը կասեցրել է «Կինդեր» ապրանքանիշի հետևյալ արտադրատեսակների իրացումը՝
Kinder Surprise Uovo Maxi 100 գ – 1728 հատ (172,8 կգ)՝ արտադրված Գերմանիայի Դաշնային Հանրապետությունում.
Kinder Schokobons 125 գ – 3792 հատ (474 կգ)՝ արտադրված Բելգիայի թագավորությունում:
Միաժամանակ տեղեկացնում ենք, որ «Կինդեր» ապրանքանիշի մնացած բոլոր ապրանքատեսակների իրացման նկատմամբ տեսչական մարմինը սահմանափակումներ չեն կիրառել, և դրանք ենթակա են վաճառքի։
Կասեցված խմբաքանակներից իրականացվել են նմուշառումներ և ներկայացվել լաբորատոր փորձաքննության: Արդյունքները կհարապարակվեն:
