Երևանի քաղաքապետի տեղակալ Լևոն Հովհաննիսյանը Ֆեյսբուքի իր էջում գրել է.
«Երեկ Վրաստանի մայրաքաղաք Թբիլիսիում Երևանի ավագանու «Իմ քայլը» խմբակցության ղեկավար Արմեն Գալջյանի, Երևանի ավագանու ԲՀԿ խմբակցության ղեկավար Միքայել Մանրիկյանի, «Լույս» խմբակցության ղեկավար Դավիթ Խաժակյանի հետ հանդիպեցինք Թբիլիսիի քաղաքային խորհրդի նախագահ Գեորգի Տկեմալաձեի գլխավորած պատվիրակության հետ։
Քննարկեցինք երկու քույր քաղաքների երկարամյա հարաբերությունների զարգացման հեռանկարները, միմյանց ներկայացրեցինք վերջին տարիներին մեր քաղաքներում իրականացրած բարեփոխումները»։
