Անվտանգ ճանապարհային երթևեկություն ապահովելու նպատակով ՃՈ 2-րդ սպայական գումարտակի ծառայողները մարտի 21-27-ը մարզերում իրականացրել են ուժեղացված ծառայություն՝ հայտնաբերելով ճանապարհային երթևեկության կանոնների 4137 խախտում՝ պահպանվող հատուկ տարածքներ տեղափոխելով 49 տրանսպորտային միջոց։
Հայտնաբերվել է ոչ սթափ՝ 76, առանց վարորդական իրավունքի վկայականի՝ 9 անձ։ 45 մեքենա շահագործվել է առանց ԱՊՊԱ պայմանագրի, 24-ը՝ թաղանթապատված դիմապակիով, 5-ը՝ առանց համարանիշերի, 52-ի համարանիշերը փակցված են եղել ոչ սահմանված հատվածում։ Բացի դրանից՝ 22 վարորդ տուգանվել է վարելիս ծխելու համար։
Հանրապետությունում տեղացող առատ ձյունը որոշակի դժվարություններ է առաջացրել։ Ճանապարհային ոստիկանությունը հորդորում է հատկապես բարձրադիր մարզեր ուղևորվելիս երթևեկել բացառապես ձմեռային անվադողերով, խստորեն պահպանել ճանապարհային երթևեկության կանոնները։
