ՀՀ պաշտպանության նախարարության և Մարդու իրավունքների պաշտպանի տարածած հայտարարությունները, կապված Ներքին Հանդ գյուղի հետ, չեն հակասում իրար: Մարդու իրավունքների պաշտպան Քրիստիննե Գրիգորյանը հստակեցրել է՝ գյուղի բնակիչները ասել էին, որ ադրբեջանական վրանները և շարժը նոր են տեսնում:
Միաժամանակ գյուղից հեռու գտնվող եկեղեցու հարակից տարածքը որպես արոտավայր օգտագործելու ռիսկերից էին խոսել: Գրիգորյանը ներկայացրել է նաև պաշտպանական գերատեսչության հայտարարությունը և բացատրել դրանց՝ իրար չհակասող լինելու փաստը:
«Պաշտպանության նախարարությունն առաջին և հատկապես երկրորդ հայտարարությամբ ասել էր, որ այդ դիրքերը նոր են սկսել ակտիվորեն կահավորվել և օգտագործվել: Այսինքն՝ մեր ասած՝ «բնակիչները նոր են տեսել» և «նոր են սկսել ակտիվորեն կահավորվել»-ը իրար չեն հակասում: Հակառակը, դրանք միմյանց ամրապնդող հայտարարություններ էին»,- ասել է ՄԻՊ-ը Կառավարության նիստից հետո ճեպազրույցի ընթացքում:
