Արցախում մենք տարածքային խնդիրներ չենք լուծում, խոսքը ժողովուրդների իրավունքների մասին է: Այս մասին ԱԺ ճեպազրույցների ընթացքում նշեց պետական-իրավական հարցերի հանձնաժողովի նախագահ Վլադիմիր Վարդանյանը:
Խոսելով Արցախում ադրբեջանական միջամտությամբ գազամատակարարման դադարեցման խնդրի մասին՝ Վարդանյանը նշեց, որ ՀՀ Կառավարությունը և խորհրդարանական դիվանագիտությունը բոլոր ջանքերը ներդրել են միջազգային գործընկերներին տվյալ իրավիճակի մասին տեղյակ պահելու և խնդիրը հնարավորինս արագ լուծելու վերաբերյալ:
«Այն վարվելակերպը և գործիքակազմը, որ այսօր օգտագործում է Ադրբեջանը, ավելի է ամրապնդում մեր դիրքերը ՄԱԿ-ի Միջազգային դատարանում՝ կապված Ռասայական խտրականության բոլոր ձևերի վերացման մասին կոնվենցիայի լուրջ խախտումների հետ, նաև առավել տեսանելի է դարձնում այն, որ Արցախում խնդիրը կրում է էքզիստենցիալ բնույթ»,- ասաց Վլադիմիր Վարդանյանը:
