2021 թվականին փոփոխություններ արվեցին վերարտադրողական օժանդակ տեխնոլոգիաների ծառայություններից օգտվելու կարգում, ընդլայնվեցին շահառուները: Այս մասին ՀՀ ԱԺ առողջապահության հարցերի մշտական հանձնաժողովի արտահերթ նիստում հայտնեց առողջապահության նախարար Անահիտ Ավանեսյանը:
«Ներառվեցին սահմանամերձ տարածքներից նոր շահառուներ: Ռազմական գործողությունների ընթացքում որդի կորցրած զույգերը հնարավորություն ստացան ամբողջական փաթեթից օգտվել: Այս ծրագիրը շատ մեծ պահանջարկ է վայելում»,- ասաց Ավանեսյանը:
2021-ի վերջին ավելացել է նաև պետպատվերի շրջանակում փոխնակ մայրության հասանելիությունը նույն խմբի համար:
«2021 թվականին 76 երեխա է ծնվել այս ծրագրի շրջանակներում, նաև 211 հղիություն է գրանցվել»,- նշեց նախարարը:
