Շիրակի մարզում ընթանում են ճանապարհների մաքրման աշխատանքներ՝ տեղեկացնում են մարզպետարանից: Սպասարկող ընկերությունները շարունակում են արտակարգ ռեժիմով աշխատանքը: Մարզում դեռ կան փակ ու դժվարանցանելի ճանապարհներ, որոշ հատվածներում ձյան բարձրությունը հասնում է 3-5, անգամ 6 մետրի։
Դեռևս փակ են Ցողամարգ-Աշոցք, Ամասիա-Շաղիկ և Արթիկի (Մեծ Մանթաշ և Գեղանիստ) տարածաշրջանների ավտոմոբիլային ճանապարհները (միջպետական, հանրապետական և մարզային)։
Մարզի Անիի, Ախուրյանի և Արթիկի տարածաշրջանների մյուս ճանապարհահատվածները բաց և բավարար երթևեկելի են։
Գյումրի-Երևան, Գյումրի-Արմավիր և Գյումրի-Վանաձոր ճանապարհները բաց են։
Վարորդներին հորդորում ենք երթևեկել միայն խիստ անհրաժեշտության դեպքում։
