ՀՀ ոստիկանության պետի տեղակալ Արա Ֆիդանյանն ԱԺ պաշտպանության և անվտանգության հարցերի հանձնաժողովի նիստին անդրադարձավ ոստիկանության ստորաբաժանումներում խոշտանգումների, անմարդկային կամ արժանապատվությունը նվաստացնող հնարավոր դեպքերի կանխարգելման ուղղությամբ ուղղությամբ իրականացվող աշխատանքներին:
««Ոստիկանության մասին» օրենքում կատարված լրացումների և փոփոխությունների արդյունքում իրավական հիմքեր են նախատեսվել ոստիկանության շենքերի մուտքերին և ելքերին, ինչպես նաև ոստիկանության ստորաբաժանումների հարցաքննության համար նախատեսված տարածքներում տեսաձայնագրող տեխնիկական միջոցներ տեղադրելու և տեսաձայնագրում իրականացնելու համար»,- ասաց Ֆիդանյանը:
Նրա խոսքով՝ ոստիկանության ստորաբաժանումների շուրջ 20 տոկոսում նման համակարգեր արդեն իսկ տեղադրված են:
