Արցախի ՆԳՆ ԱԻ պետական ծառայությունից իրազեկում են, որ գիշերը տեղացած ձյան պատճառով դժվարանցանելի են Ստեփանակերտ-Դրմբոն միջշրջանային ճանապարհի «Ցեխ ձոր» հատվածը, Ստեփանակերտ-Մարտունի ճանապարհահատվածի «Բովուրխանի» ոլորանները, Ստեփանակերտ-Շուշի-Բերձոր միջպետական մայրուղու Լիսագորի հատվածը: Այս մասին հայտնում են Արցախի ներքին գործերի նախարարությունից:
Նշված ճանապարհահատվածներում տեսանելիությունը ցածր է և տեղ-տեղ մերկասառույց է:
Սյունիքի մարզի Սիսիան-«Զանգեր» հատվածում և Սարավանում մերկասառույց է, բուք և մառախուղ։
Վարդենյաց լեռնանցքը փակ է բոլոր տեսակի տրանսպորտային միջոցների համար:
ԱԻ պետական ծառայությունը հորդորում է բոլոր վարորդներին ցուցաբերել զգոնություն և երթևեկել բացառապես ձմեռային անվադողերով:
