Հաշվի առնելով, որ 20.01.2021 թվականին ««Ճանապարհային երթևեկության անվտանգության ապահովման մասին» օրենքում փոփոխություններ և լրացումներ կատարելու մասին» թիվ ՀՕ-58-Ն և «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին» թիվ ՀՕ 59-Ն օրենքներով (իրավակարգավորումներն ուժի մեջ են մտել 16.08.2021 թվականին) տրանսպորտային միջոցների տեխնիկական զննություն անցնելու համար սահմանվել են դեռևս 23.05.2018 թվականին ՀՀ ոստիկանության կողմից տարածած հայտարարության պահի դրությամբ գործող իրավակարգավորումներից տարբերվող պահանջներ, ոստիկանությունից hայտնում են, որ հետայսու տեխնիկական զննություն չանցած կամ տեխնիկական զննությամբ ի հայտ եկած՝ ՀՀ կառավարության սահմանած` տրանսպորտային միջոցների շահագործումն արգելող անսարքություններից կամ պայմաններից որևէ մեկի առկայությամբ տրանսպորտային միջոց վարելն այլևս չի համարվի նվազ նշանակություն ունեցող իրավախախտում։
Ճանապարհային երթևեկության անվտանգության ապահովման և Վարչական իրավախախտումների վերաբերյալ ՀՀ օրենսգրքի 123.4-րդ հոդվածի 2-րդ մասով նախատեսված արարքի համար վարչական պատասխանատվությունից խուսափելու նպատակով ոստիկանությունը հորդորում է վարորդներին չվարել տեխնիկական զննություն չանցած տրանսպորտային միջոց։
