ՀՀ ԱԺ պետական-իրավական հարցերի մշտական հանձնաժողովի անդամները մեկ րոպե լռությամբ հարգեցին Սումգայիթի ջարդերի հետևանքով անմեղ զոհերի հիշատակը:
«Սումգայիթում տեղի ունեցածն Ադրբեջանում հայատյաց մթնոլորտի ձևավորման ուղղությամբ առաջին քայլերն էին: Այդ արարքը, ցավոք սրտի, չի արժանացել միջազգային հանրության կոշտ դատապարտմանը: Այդուհանդերձ, մեր հիշողությունը միշտ թարմ է:
Սա այն իրադարձություններից է, երբ տարիների ազդեցության ներքո ցավը չի բթանում, և մենք շարունակում ենք ամենօրյա ռեժիմով հիշել այդ ողբերգության զոհերին: Ցանկացած պարագայում պետք է գիտակցենք, որ հայատյաց գործողությունները պետք է դատապարտվեն միջազգային հանրության կողմից միահամուռ»,- ասաց հանձնաժողովի նախագահ Վլադիմիր Վարդանյանը:
