Վլադիմիր Պուտինի հայտարարությունից հետո ԱՄՆ նախագահ Ջո Բայդենը հայտարարել է, որ այսօր ուղերձով կդիմի ամերիկացիներին՝ ներկայացնելու Ռուսաստանի դեմ Վաշինգտոնի գործողությունների հաջորդականությունը:
Սպիտակ տան ղեկավարի խոսքով՝ նախագահ Պուտինն ընտրել է պատերազմի ճանապարհը, որը մարդկային աղետալի կորուստների և տառապանքների կհանգեցնի։ Բայդենն ասել է, որ Վաշինգտոնը գործողությունները համակարգելու է ՆԱՏՕ-ի դաշնակիցների հետ, որպեսզի համատեղ համոզիչ պատասխան տրվի, որը կզսպի ցանկացած ագրեսիա դաշինքի դեմ: Բայդենը նշել է, որ աշխարհը պատասխանատվության կկանչի Ռուսաստանին:
