Ոստիկանության Արմավիրի բաժնի և Արմավիրի մարզային վարչության ենթակա տարածքային մյուս ստորաբաժանումների ծառայողները Արմավիր քաղաքում իրականացրել են ուժեղացված ծառայություն։
Մի քանի ժամ տևած միջոցառումների արդյունքում հայտնաբերվել են տարբեր տեսակի ատրճանակներ, մահակներ, դանակներ և այլն: Բացահայտվել է ապօրինի թմրաշրջանառության 2 դեպք. հայտնաբերվել ու առգրավվել են մարիխուանայի և հաշիշի նմանվող զանգվածներ։
Բացի այդ, վարչական իրավախախտումների վերաբերյալ կազմվել է 11 արձանագրություն։
Նմանօրինակ ուժեղացված ծառայությունները պարբերական են։
