Դոնեցկի և Լուգանսկի ուժերը ռուսական ուժերի աջակցությամբ անցել են հակահարձակման՝ ճեղքելով Ուկրաինայի զինված ուժերի առաջնագիծը։ Այդ մասին հայտարարել է Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը:
«Ուկրաինայի զինված ուժերի ստորաբաժանումները շարունակում են կրակ բացել Դոնբասի քաղաքների ուղղությամբ։ Դոնեցկի և Լուգանսկի խաղաղ բնակչության շրջանում կան զոհեր։ Ռուսաստանի Դաշնության զինված ուժերը ոչ մի հրթիռային, օդային կամ հրետանային հարված չեն հասցնում Ուկրաինայի քաղաքներին։ Ուկրաինայի սահմանապահ ծառայության զինծառայողները ռուսական ստորաբաժանումներին դիմադրություն ցույց չեն տվել»,- նշել է պաշտոնյան։
Նա շեշտել է, որ ռուսական ուժերը թիրախավորում են միայն ռազմական ենթակառուցվածքները: Կոնաշենկովը հավելել է, որ Ուկրաինայի զինված ուժերը զանգվածաբար լքում են զբաղեցրած դիրքերը՝ թողնելով սպառազինությունը։
