2022 թ․ հունիսի 15-18-ը Ֆրանսիայի մայրաքաղաք Փարիզում տեղի կունենա Vivatech-2022 6-րդ ամենամյա միջազգային ցուցահանդեսը: Ոլորտային հայկական ընկերությունները հնարավորություն կունենան հանդես գալու ARMENIA միասնական տաղավարի ներքո և իրենց արտադրանքն ու լուծումները ներկայացնելու այս հարթակում։ Այս մասին հայտնում են ՀՀ ԲՏԱ նախարարությունից:
Մասնակցության հայտը կարող եք լրացնել մինչև 07.03.2022 թվականը՝
հետևյալ հղումով:
VivaTech-ը Եվրոպայի ամենախոշոր միջազգային տեխնոլոգիական ցուցահանդես-համաժողովն է՝ ուղղված նորարարություններին և ստարտափներին: Ցուցահանդեսի թեմաներն են` բարձր տեխնոլոգիաներ, ինովացիաներ: Այն ամբողջ աշխարհից մեկ տեղում համախմբում է ստարտափերներին, գիտնականներին, խոշոր ընկերություններին, ներդրողներին, պետական այրերին, պաշտոնական պատվիրակություններին:
Ցուցահանդեսի մասին առավել մանրամասն տեղեկատվություն ստանալու համար կարող եք անցնել այս
հղումով:
Լրացուցիչ հարցերի դեպքում ցանկացողները կարող են զանգահարել 010 590162 հեռախոսահամարով:
