Թաիլանդի իշխանությունները որոշել են փոխել մայրաքաղաք Բանգկոկի պաշտոնական օտարերկրյա անվանումը։ Այսուհետ քաղաքը կոչվելու է Կրունք-Թեպ-Մահա-Նակհոնի, որը թարգմանաբար նշանակում է «Հրեշտակների քաղաք. մեծ մայրաքաղաք»՝ փոխանցում են տեղի լրատվամիջոցները:
Թագավորական գիտական խորհուրդը միջազգային աշխարհագրական անվանումների բառարանում փոփոխել է երկրների, տարածքների, վարչական շրջանների և մայրաքաղաքների անվանումները՝ դրանք համապատասխանեցնելով միջազգային տերմիններին:
Թաիլանդի մայրաքաղաքը երկրի ներսում մշտապես անվանել են Կրունք-Թեպ-Մահա-Նակհոնի, իսկ անգլերեն անունը պատմականորեն համարվում է Բանգկոկը:
Խորհուրդն ընդգծել է, որ նոր անունը նախատեսված է միայն պաշտոնական օգտագործման համար, իսկ Բանգկոկ տարբերակը ևս կարող է օգտագործվել:
