Երկուշաբթի՝ փետրվարի 14-ից, օդային ճանապարհորդությունների ապահովագրությամբ զբաղվող միջազգային ապահովագրական ընկերությունները դադարեցրել են ինքնաթիռների ապահովագրումը Ուկրաինայի վրայով թռիչքների համար՝ ռազմական գործողությունների բարձր ռիսկի պատճառով: Չնայած նման որոշմանը՝ Ուկրաինայի օդային տարածքը շարունակում է բաց մնալ՝ գրում է pravda.com-ը։
Հաղորդվում է, որ ապահովագրական ընկերությունները նման որոշում են կայացրել համաշխարհային լրատվամիջոցներում Ռուսաստանից սպասվող սպառնալիքի մասին տեղեկատվական աննախադեպ լարվածության պատճառով։
Ուկրաինական և միջազգային ավիաընկերությունների բոլոր ինքնաթիռները հարկադրված են դադարեցնել թռիչքները օդանավերի սեփականատերերի պահանջների պատճառով:
