Մայրաքաղաքի 90 բազմաբնակարան շենքի տանիքներին տեղադրվում են արևային ֆոտովոլտային համակարգեր՝ ապահովելով շենքի վերելակների, շքամուտքերի, աստիճանավանդակների, ինչպես նաև բակային տարածքների լուսավորության համար անհրաժեշտ էլեկտրաէներգիան:
Երևանի քաղաքապետարանը ծրագիրն իրականացնում է Եվրոպական միության աջակցությամբ՝ «Քաղաքապետերի դաշնագրի ցուցադրական նախագծերի» շրջանակում:
Ծրագրով շենքերում ու բակերում տեղադրվում են նաև նոր էներգախնայող LED լուսատուներ: Այդպես բնակիչները կտնտեսեն իրենց միջոցները 50 տոկոսով:
